Ish-kryeministri dhe lideri i LQ URA, Dritan Abazoviq tha se nuk do të marrë më pjesë në gjykimin e padisë së ngritur nga biznesmeni Ranko Uboviq. Ai tha se lënda në Gjykatën Themelore në Ulqin është e pakuptimtë.

“Dihet kush fshihet me kodin Tigër, le të padisë Lubo Milloviqin, Petr Llazoviqin, dhe këta njerëz që fshihen me kodin Tigër, personalisht mendoj se janë të gjithë pjesë e së njëjtës ekip, dhe për këtë kam folur edhe me provat e paraqitura”, tha Abazoviq pas seancës, shkruan portali i Radio Televizionit të Malit të Zi.

Ai theksoi se kjo temë sot është krejtësisht e pakuptimtë.

“Më falni, por le të shohin tani mes vete se kush kujt ia ka marrë lekët. Ne nuk kemi pasur asnjë përfshirje, veç nxjerrjes së së vërtetës”, shtoi ish-kryeministri dhe theksoi se shpreson që “dora e drejtësisë të mos ndalet”.

Avokati Zoran Piperovic tha se Abazoviq “di gjithçka që ka thënë dhe di bazuar në Sky”.

“Arsyeja e padisë është deklarata e tij e shtatorit 2011, kur ai vendosi në të njëjtin nivel Bemax dhe klanet Shkalar dhe Kavaçki. Sot Sky e justifikoi me mesazhe që dolën për herë të parë në gazetat e përditshme një muaj më parë”, tha Piperoviq.

Ai theksoi se “nuk ka shpëtim” nga deklarata të tilla të ish-kryeministrit.

“Gjithçka është kaq e qartë, është thjesht qesharake”, shtoi ai.

Para gjykatës së Ulqinit, gjashtë padi janë ngritur nga avokati Podgoricas Zoran Piperoviq kundër Abazoviqit si përfaqësues ligjor i Zoran Llazoviqit, biznesmenit Ranko Uboviq, kompanisë “Bemax” dhe biznesmenit Aleksandar Mijajlloviq.