Kryeministri Dritan Abazovic tha se nuk përjashtohet që gërmimi i tunelit nga një banesë private në rrugën Njegoševa deri në depon e Gjykatës së Lartë të ketë nisur për shkak të njoftimit për mbërritjen e agjentëve të FBI-së në Mal të Zi. Kështu u tha ai gazetarëve në Nikshiq, duke iu përgjigjur pyetjeve të RTCG.

Abazoviq tha se fillimi i gërmimit të tunelit përkoi me periudhën pas dërgimit të kërkesës në FBI amerikane për të ndihmuar në hetimin e vrasjes së Dushko Jovanoviqit.
“Mendoj se është dyshim që nuk duhet hedhur poshtë”, tha Abazovic.

Ai përsëriti se zbardhja e vrasjes së Dushko Jovanoviqit do t’u përgjigjej shumë pyetjeve në lidhje me krimin e organizuar në Mal të Zi në 20 vitet e fundit.
I pyetur nga një gazetar se a ka ardhur koha që kryetari i arrestuar i Komunës së Budvës, Milo Bozhoviq, të japë dorëheqje, Abazovic tha se nuk dëshiron të ndërhyjë në punën e administratës lokale, por se nuk do të habitej nëse aktakuza u zgjerua për të përfshirë edhe persona të tjerë në periudhën e ardhshme.

“Shpresoj se komuna e Budvës do ta sjellë në normalitet sistemin e prishur për shkak të gjithë situatës”, tha Abazoviq.
Ai tha se Qeveria po përpiqet të jetë partnere e të gjitha administratave sa më shumë që të jetë e mundur.
Abazovic iu përgjigj pyetjes se çfarë mendon për shpalljen e zgjedhjeve të jashtëzakonshme në Komunën e Budvës, duke qenë se kryetari i asaj komune, Milo Bozhoviq, akuzohej për krijimin e organizatës kriminale dhe kontrabandë droge.

Ai ka theksuar se në këtë moment nuk do të përjashtojë as zgjedhje të jashtëzakonshme parlamentare dhe shtoi se Mali i Zi është gjithmonë në ciklin zgjedhor.