Synimi i autoriteteve për të organizuar sa më shpejt regjistrimin e popullsisë me urdhër të Frontit Demokratik (DF), jashtë procedurës dhe në mes të një krize të paparë epidemiologjike, është një tjetër dëshmi e tradhtisë së nteresave vitale shtetërore dhe kombëtare nga Dritan Abazoviq, tha deputetja e Partisë Socialdemokratike (SDP) Draginja Vuksanoviq Stankoviq. “Edhe pse vetëm 20 ditë më parë ai tha publikisht se nuk kishte kushte që regjistrimi të mbahej deri në fund të vitit, pa një debat publik, opinionin e BE -së dhe procedurën e përshtatshme parlamentare, ai ndryshoi mendje, me siguri me urdhër të Aleksandar Vuçiq  që ky regjistrim të mbahet sa të tijët janë ende në pushtet “, thotë Vuksanoviq Stankoviq. Ajo theksoi se ekzekutuesi i urdhrave të Vuçiq për formimin e “botës serbe” në territorin e Malit të Zi, pas çdo të pavërtete të folur dhe çdo premtimi të thyer, vazhdon të kryej detyrën.