Në ambientet e Bibliotekës së qytetit, shoqata e artistëve dhe intelektualëve Art Club, organizoi sot mbledhjen komemorative me rastin e ndarjes nga jeta të gazetarit Islam Pali, i cili ishte edhe njëri ndër themeluesit e kësaj shoqate. Në mbledhje morën pjesë familjarë, miq, shokë dhe kolegë të të ndjerit, të cilët më mall përkujtuan vitet që kanë kaluar së bashku, duke theksuar kontributin e tij në jetën shoqërore dhe kulturore të qytetit.