Organizatat për mbrojtjen e grave kërkojnë shkarkimin e përgjegjësve
Prej tvteuta15:15, 12 Tetor 2016
![](http://tvteuta.com/wp-content/uploads/2016/10/vrasje1-110x96.jpg)
Djetë organizata për mbrojtjen e të drejtave të grave, prej të cilave edhe SOS nga Ulqini, kanë dalë me një deklaratë të përbashkët, nëpërmes së cilës kërkojnë që përgjegjësit për neglizhencën profesionale që çoi në vrasjen e Biljana Krshikapa nga ish bashkshorti, të shkarkohen nga puna.
Ajo u vra ditën e djeshme në Nikshiq nga ish bashkshorti i saj i cili kishte kohë që e kërcënonte por organet kompetente nuk morën masat e duhura. Ato thonë se komplet sistemi i mbrojtjes në raste të tilla ka dështuar si rezultat i indiferencës dhe joprofesionalizimit të personave që e kishin për detyrë ta mbronin Biljanën nga dhuna dhe kërcënimet e vazhdueshme të ish bashkshortit.
Sipas tyre, edhe pse drejtësia për Biljanën nuk mund të vendoset, sjellja para përgjegjësisë e atyre që dështuan në mbrojtjen e saj do të shpëtojë jetë të tjera. Ato gjithashtu kanë paralajmëruar se në të ardhmen do të bëjnë publik emrat e të gjithëve në sistemin e mbrojtjes të cilët dështojnë në plotësimin e detyrave të veta profesionale.