Është konfirmuar aktakuza për krim të organizuar dhe trafikim me qenie njerëzore
Prej tvteuta13:54, 20 Maj 2024
![](http://tvteuta.com/wp-content/uploads/2024/05/elelelel_708x900.jpg)
Këshilli i Gjykatës së Lartë konfirmoi aktakuzën kundër gjashtë të pandehurve për krim të organizuar dhe kontrabandë me njerëz, punëtorë ndërtimi nga Turqia. Në fjalë është aktakuza kundër Bojan Petriçeviqit, Perisha Paviçeviqit, Meliha Daçiqit, Filip Periqit, Igor Novakoviqit dhe Millorad Zhivaleviqit.
“Këshilli i Gjykatës së Lartë në Podgoricë, me vendimin Kvso nr.5/24, të datës 29 prill të këtij viti, ka vërtetuar aktakuzën Kt-S nr.297/23, të datës 1 mars të këtij viti, të cilën Prokuroria Speciale e Shtetit e ka ngritur ndaj gjashtë personave të akuzuar: B.P., P.P., M.D., M.ZH., I.N dhe F.P., për veprat penale të krijimit të organizatës kriminale dhe veprën e zgjeruar penale të trafikimit të qenieve njerëzore, në lidhje me një numër më të madh shtetasish turq. Sipas deklaratës së zëdhënësit të SDT-së së Malit të Zi, Vukas Radonjiq.
Në muajin mars, Prokuroria Speciale e Shtetit ngriti aktakuzë kundër Bojan Petriçeviqit, Perisha Paviçeviqit, Meliha Daçiqit, Filip Periqit, Igor Novakoviqit dhe Millorad Zhivaljeviqit me dyshimin se kanë kryer veprën penale të krijimit të organizatës kriminale dhe veprës penale të zgjeruar të trafikimit të qenieve njerëzore.
Petriçeviq, Paviçeviq, Daçiq, Periq, Novakoviq dhe Zhivaleviq u arrestuan në shtator të vitit të kaluar me urdhër të Prokurorisë Speciale të Shtetit nën dyshimin se kishin krijuar një organizatë kriminale që gjatë viteve 2022 dhe 2023 trafikonte njerëz, punëtorë ndërtimi nga Turqia.
Petriçeviq dhe gjashtë anëtarë të këtij grupi, duke përfshirë, përveç Daçiqit dhe Periqit, edhe Igor Novakoviqin, Perisha Paviçeviqin dhe Millorad Zhivaleviqin, akuzohen për kryerjen e veprës penale të krijimit të organizatës kriminale dhe vazhdimit të veprës penale të trafikimit të qenieve njerëzore në dëm të një numri të madh shtetasish turq.
Bojan Petriçeviq është një nga pronarët e kompanive “A Cop” dhe “PS Gradnja”.
“Zyrtarët e Departamentit të Posaçëm të Policisë dhe Departamentit të Trafikimit të Qenieve Njerëzore të Drejtorisë së Policisë, pas disa muajsh grumbullimi të provave, të dhënave dhe informacioneve, personat e lartpërmendur kanë arrestuar në fillim të muajit shtator të vitit të kaluar për shkak të dyshimit se kanë kryer veprën penale krijimit të një organizate kriminale dhe veprës penale të zgjeruar të trafikimit të qenieve njerëzore në raport me një numër më të madh të qytetarëve të dëmtuar të Turqisë”, njoftoi më herët SDT.