Ministria e Administratës Publike prezantoi për herë të parë të gjitha të dhënat për numrin e të punësuarve në administratën publike, krijoi një matricë donatorësh që tregon mbështetjen financiare për reformën e administratës publike, aplikoi instrumentin evropian të menaxhimit të cilësisë, ngriti një regjistër të organeve dhe institucioneve shtetërore, në mënyrë të konsiderueshme përmirësoi procesin e dixhitalizimit dhe forcoi ekosistemin kibernetik.

Kështu ka bërë të ditur ministri i Administratës Publike, Marash Dukaj, në konferencën për rezultatet e 100 ditëve të Qeverisë së 44-të të Malit të Zi, duke thënë se Ministria në periudhën e kaluar është duke punuar në përmirësimin e të gjitha fushave në kompetencë të saj, duke nxitur bashkëpunimin me partnerët dhe miqtë.

“Qëllimet që kemi arritur në këtë periudhë të shkurtër janë hartëzimi i mbështetjes financiare për reformat e administratës publike, vizualizimi i fushës së administratës publike dhe numri i punonjësve, aplikimi i një kuadri të përbashkët vetëvlerësimi – modeli CAF, shpallja e formimit të qendrave burimore për OJQ-të, zbatimi i projektit të Administrimit pa letra, përmirësimi i CIRT-së qeveritare, zbatimi i një organi të ri certifikues (AK), përmirësimi i kornizës legjislative, vetëqeverisjeve lokale, si dhe krijimi i Regjistrit të organeve dhe institucioneve shtetërore”, tha Dukaj.

Ai theksoi se përmirësimi i administratës publike është përgjegjësi e Ministrisë, por se në atë proces nevojiten qytetarë aktivë “që të na inkurajojnë që të jemi më të mirë, më efikas dhe në përputhje me nevojat e tyre”.

“Qëllimi ynë është i përbashkët – të jemi të hapur ndaj ndryshimeve, të zhvillojmë punën në grup, të respektojmë dallimet, të përmirësojmë kompetencat në përputhje me zhvillimin e përshpejtuar teknologjik”. Vetëm kështu do të kemi fuqi për të arritur qëllimet kyçe që nuk janë lehtësisht të arritshme, por janë rruga që kemi zgjedhur”, tha Dukaj.