Dukaj – Rexhepi: Të rritet bashkëpunimi në reformën e administratës publike
Prej tvteuta09:22, 28 Tetor 2022
![](http://tvteuta.com/wp-content/uploads/2022/10/dukaj8722.jpg)
Maqedonia e Veriut do të vazhdojë të mbështesë Malin e Zi në të gjitha nivelet, veçanërisht në fushën e reformës së administratës publike dhe digjitalizimit, tha ambasadori i Maqedonisë në Mal të Zi, Remi Rexhepi. Në një takim me Ministren e Administratës Publike të Malit të Zi, Marasha Dukaj.
Rexhepi përshëndeti punën e atij departamenti qeveritar në ndërtimin e një administrate publike moderne dhe efikase në Mal të Zi. Ai tha se Mali i Zi është shembull për Maqedoninë e Veriut në fushën e administratës publike, duke theksuar mundësinë e përmirësimit dhe vendosjes së bashkëpunimit.
Sipas njoftimeve, Dukaj e ka njoftuar Rexhepin për aktivitetet e ndërmarra dhe prioritetet në punën e Ministrisë, e cila është e orientuar drejt qytetarëve, si dhe për vizionet e digjitalizimit dhe reformës së administratës publike dhe decentralizimit të vetëqeverisjeve lokale.