Deri ditën e sotme akush nuk ëshë përgjegjur për krimin e kryer ndaj civilëve shqiptarë në vendin e quajtur Kalugjerski Laz apo Husaj, më 18 prill të vitit 1999, nga forcat ushtarake të Jugosllavisë së atëhershme.

Prej atëherë kanë kaluar 23 vite dhe të akuzuarit fillestar për këtë krim u liruan me vendim gjykate në vitin 2014. Në këtë vend u vranë 6 persona që po largoheshin nga lufta në Kosovë, ndërsa pesë të tjerë u plagosen. Ng marsi deri në maj të këtij viti, gjatë kalimit për në Kosovë në Mal të Zi janë vrarë 22 civilë shqiptarë, prej të cilëve disa kanë qenë gra dhe fëmijë.