10 fëmijë të vdekur nga përmbysja e një varke
Prej tvteuta11:02, 29 Janar 2023
10 fëmijë janë mbytur pasi varka me të cilën udhëtonin u përmbys. Ngjarja e rëndë ka ndodhur në veriperëndim të Pakistanit në liqenin Tanda Dam. Sipas asaj që shkruajnë mediat ndërkombëtare viktimat janë të moshave 7 deri në 14 vjeç.
Agjencia e lajmeve AFP, duke cituar një zyrtar të policisë tha se aktualisht po zhvillohet një operacion kërkimi. Nuk dihet nëse nga kjo ngjarje tragjike ka të mbijetuar.
“Një operacion shpëtimi është duke u zhvilluar”, tha oficeri i policisë Mir Rauf.
Kjo nuk është hera e parë që në Pakistan ndodhin ngjarje të tilla ku anijet përmbyten dhe për pasoja janë shkaktuar viktima. Në Korrik, 18 gra ndërruan jetë pasi një anije e mbipopulluar ku festohej për një dasmë u përmbys.