Rezultatet paraprake: Forumi Shqiptar 16 mandate, PDS 10, PB 4, SD dhe Demokratët nga 1 mandat

Në zgjedhjet lokale në Komunën e Tuzit koalicioni i partive shqiptare ka arritur të fitojë 16 mandate, i ndjekur nga PDS me 10, Partia Boshnjake me 4, kurse Socialdemokratët dhe Demokratët kanë marrë nga një mandat, tregojnë të dhënat paraprake të publikuara nga Komisioni Komunal Zgjedhor. Këto rezultate duhej të publikosheshin mbrëmë, por disa nga anëtarët e komisioneve nuk i kanë nënshkruar procesverbalet. Në diskutim ishte mandati i Demokratëve, të cilët kanë arritur ta kapërcejnë pragun duke marrë 3.02% të votave.